30سنة بنحدفلها "الشلن والبريزة" على باب الكاتدرائية وبنقول "يا عيني غلبانة
٣٠ سنة بنحدفلها "الشلن والبريزة" على باب الكاتدرائية وبنقول "يا عيني غلبانة"، وهى كانت بتبني بيوت وتأكل جعانين وتستر مرضى في الدمرداش والزهراء من لحم كتافها!
الست "أمال".. اللي مصر كلها كانت فاكراها "شحاتة" العباسية المبروكة، طلعت هي اللي شايلة أوجاع الناس في صمت السنين. قعدت العمر كله تلم الفكة من إيد ده وده، والناس تبصلها بشفقة، وهي بضحكتها اللي متفارقش وشها تروح آخر اليوم توزع "غنائم السما" على المستشفيات والمحتاجين.
الصدمة كانت لما دخلت البيت اللي اشترته بمال "الشلن والبريزة" عشان تخليه سكن للمرضى المغتربين اللي مش لاقيين مكان يناموا فيه في القاهرة.. الست اللي الكل كان فاكرها محتاجة، كانت هي "الحضن" اللي ساتر الكل!
آخر مرة شفتها فيها، دخلت أوضتها وطلعت الموبايل أصورها، فجأة وشها اتغير ورفضت بمنتهى القوة وقالتلي الجملة اللي هزت كياني: (يلاااااا هات شلن ولا بريزه.. عشان إخواتي اللي بره يأكلوا زي أنا ما باكل).
يا بختك يا أمال.. سافرتي السما وفضحتينا بقداسك المستترة. كنتِ عايشة وسطينا "مجنونة لأجل المسيح" وإحنا اللي كنا مجانين بجد لما فكرنا إننا أحسن منك. عشتِ تلمي شلنات الأرض عشان تشتري بيها قصور في الفردوس.
البوست ده من ٢٠٢٣، والنهاردة الفيس بوك بيفكرني بيه عشان نطلب بركتها ونفتكر إن "القداسة" ممكن تكون ماشية بشنطة بلاستيك ومستنية منك شلن!
**اذكرينا يا قديسة يا عظيمة أمام عرش النعمة.. مبروك عليكي حضن المسيح.**
**اكتب "آمين" واعمل شير عشان بركتها توصل لكل الناس وتعرف إن ربنا لسه عنده قديسين مستخبيين وسطينا.**
#قديسين_مستورين #الست_أمال #معجزات_العباسية #حكايات_روحانية #قديسة_الشلن #مصر_المسيحية #الجنون_لأجل_المسيح
تعليقات
إرسال تعليق