الحبر اللي كتب تاريخ السلاطين بالدهب
الحبر اللي كتب تاريخ السلاطين بالدهب، صاحبه رماه تحت رجلين المسيح واختار يلبس "الخيش" ويخدم في "المعلقة".** **مؤتمن أسرار الملك بيبار، ساب بريق القصور وهرب لحضن المذبح، عشان ينور لينا "مصباح" مبيطفيش وسط ضلمة الزمان.** عارف يعني إيه تبقى "شمس الرئاسة"؟ يعني الكلمة منك بحساب، والمشورة منك بتبني دول.. القس "أبو البركات بن كبر" مكنش مجرد كاهن عادي، ده كان "موسوعة" ماشية على الأرض. الراجل اللي السلطان مكنش بيستغنى عن ريشته في كتابة التاريخ، قرر في لحظة إن "زبدة الفكرة" الحقيقية هي في عشرة ربنا مش في خدمة الملوك. ابن كبر هو اللي ساب لنا "مصباح الظلمة"، الكتاب اللي لسه لحد النهاردة هو المرجع الأول لكل باحث في طقوسنا وقوانين كنيستنا. هو اللي فك شفرات اللغة القبطية بـ "السلم الكبير" وهو اللي شرح لنا أسرار التجسد واللاهوت في "جلاء العقول". ده مش بس عالم.. ده كان "صيدلي" الروح، خبير في العقاقير والعطور وتركيب الميرون المقدس، وكأن ربنا اداله من كل فنّ باب عشان يثبت لنا إن "رأس الحكم...